‘പെൺകുട്ടികൾക്ക് ഒരു പവൻ സ്വർണവും പട്ടുസാരിയും, കോളജ് വിദ്യാർത്ഥികൾക്ക് ലാപ്ടോപ്’; വമ്പൻ പ്രഖ്യാപനങ്ങളുമായി വിജയ് സർക്കാരിന്റെ കന്നി ബജറ്റ്
‘പെൺകുട്ടികൾക്ക് ഒരു പവൻ സ്വർണവും പട്ടുസാരിയും, കോളജ് വിദ്യാർത്ഥികൾക്ക് ലാപ്ടോപ്’; വമ്പൻ പ്രഖ്യാപനങ്ങളുമായി വിജയ് സർക്കാരിന്റെ കന്നി ബജറ്റ്
വമ്പൻ പ്രഖ്യാപനങ്ങളുമായി വിജയ് സർക്കാരിന്റെ കന്നി ബജറ്റ്. തമിഴ്നാട്ടിലെ പെൺകുട്ടികൾക്ക് വിവാഹത്തിന് ഒരു പവൻ സ്വർണവും പട്ടുസാരിയും നൽകുമെന്ന് ബജറ്റിൽ പ്രഖ്യാപനം. ഇതിനായി 812 കോടിരൂപ വകയിരുത്തി. സി ജോസഫ് വിജയ് സർക്കാറിന്റെ ആദ്യബജറ്റിലാണ് ഈ പ്രഖ്യാപനം. തമിഴക വെട്രി കഴകത്തിൻ്റെ (ടിവികെ) നിയമസഭാ തിരഞ്ഞെടുപ്പ് വാഗ്ദാനങ്ങളിൽ പ്രധാനപ്പെട്ടതായിരുന്നു ഇത്.
കോളജ് വിദ്യാർഥികൾക്ക് ലാപ്ടോപും, പതിനൊന്നാം ക്ലാസ് വിദ്യാർഥികൾക്ക് സൈക്കിളും, ഹെൽമറ്റും, വാട്ടർബോട്ടിലും സർക്കാർ നൽകുമെന്ന് ബജറ്റിൽ പറയുന്നു. മത്സരപരീക്ഷകൾക്കായി പ്രത്യേക പരിശീലനം സർക്കാരിൻ്റെ കീഴിൽ നടത്തും. 5 ലക്ഷം കോളജ് വിദ്യാർഥികൾക്ക് എഐ പരിശീലനം നടത്തുമെന്ന വാഗ്ദാനവും ബജറ്റിലുണ്ട്.
സ്ത്രീകൾക്കുള്ള പ്രതിമാസ ധനസഹായ തുക വർധിപ്പിച്ചു. 2026-27 സാമ്പത്തിക വർഷത്തേക്കുള്ള ടിവികെ സർക്കാരിൻ്റെ കന്നിബജറ്റ് ധനമന്ത്രി എൻ.മേരി വിൽസണാണ് അവതരിപ്പിച്ചത്. നാളെ കാർഷിക ബജറ്റ് അവതരിപ്പിക്കും.
